Sahil Babayev kimdir? Sahil Babayev fəaliyyəti, təhsili haqqında məlumatla tanış olmaq istəyirsinizsə, bu məqalə məhz sizin üçündür.
Sahil Babayev nazir təyin olundu
O, 2018-ci ildən Azərbaycan əmək və əhalinin sosial müdafiəsi naziridir. Sahil Babayev nazir təyin olduqdan sonra 2019-cu ildə DSMF-nin gəlirləri 2018-ci ilin hesabat rəqəmləri ilə müqayisədə 364.5 mln. manat 9.7% artaraq 4116.7 mln manata yüksəlib.
2019-cu il ərzində pensiya və müavinətlər üzrə məlumatların, eləcə də əlillik təyinatı üzrə məlumatların elektron sistemlərə işlənilməsi, elektronlaşdırmanın təmin edilməsi əsassız pensiya, müavinət və əlillik təyinatının ləğv edilməsinə əsas yaradıb.
Nəticədə xərclər proqnozdan 180 mln manat aşağı olub və ilin ortasında 150 mln. manat, ilin sonunda isə 170 mln. manat, cəmi 320 mln. manat vəsait dövlət büdcəsinə qaytarılıb.
Nazir Sahil Babayev erməni faşizminə qarşı mübarizə aparan Vətən Müharibəsində yaralanmış, amputasiya olunmuş hər bir qazimizin ölkə başçısı İlham Əliyevin göstərişi əsasında yüksək texnologiyalı, elektron protezlərlə təmin ediləcəyi barədə də təlimatlar verib.
Təkcə son iki ildə ölkənin bütün regonlarını əhatə edən 11 reabilitasiya və sosial xidmət mərkəzi tam təmir edilmiş, yenidən qurulmuş, müasir avadanlıqlarla təchiz edilmiş şəkildə istifadəyə verilib.
Fəaliyyəti
2014-cü ildə Azərbaycan Respublikasının Prezidentinin imzaladığı sərəncama əsasasən İqtisadiyyat və Sənaye nazirinin müavin vəzifəsində çalışıb.
2016-cı il tarixində imzalanan sərəncam əsasında İqtisadiyyat nazirinin müavini olaraq işləməyə davam edib.
Onun fəaliyyəti bununla da yekunlaşmır, o, daha əvvəl Dövlət Neft şirkətinin Xarici İnvestisiyalar İdarəsinin Hüquq Departamentinin baş mütəxəssisi, daha sonra isə müdiri vəzifələrində fəaliyyət göstərib.
2006-2009-cu illər ərzində Milli Məclisin sədr müavininin köməkçisi olub.
Sahil Babayevin təhsili
Nazir BDU-nun “Beynəlxalq hüquq və beynəlxalq münasibətlər” fakultəsində təhsil alıb və 2000-ci ildə universitetdən fərqlənmə diplomu ilə məzun olub. O, təhsil həyatına davam edərək 2002-ci ildə də magistr pilləsi üzrə dərəcə alıb.
Sahil Babayev haralidir?
Qeyd edək ki, Sahil Babayev 1980-ci ildə Bakıda dünyaya gəlib. Dörd – ingilis, rus, türk və fransız – dilini mükəmməl şəkildə bilir və Yeni Azərbaycan Partiyasının üzvüdür.
Sosial müdafiə naziri Sahil Babayev son cixisi zamanı pensiya artımı ilə bağlı açıqlama verib. O, qeyd edib ki, 2018-2021-ci ildə minimum pensiya artımı 82%, orta pensiya artımı 60%, müavinətlərdə də artımlar orta hesabla 2 dəfəyə yaxın olub. Ümumiyyətlə isə, yeni ildən növbəti sosial islahat paketi çərçivəsində pensiya, müavinət, təqaüd, əməkhaqqı, sosial yardımlar artacaq. Bu artımlar iki milyondan çox insanı əhatə edəcək və əlavə olaraq 1 milyon 100 mindən çox pensiyaçının pensiyası da gələn ildən indeksasiya nəticəsində artacaq.
